When the day is done / Down to earth then sinks the sun / Along with everything that was lost and won / When the day is done.
Nick Drake, um que nom chegou a ser admitido no clube dos 27.
(Source: Spotify)
A greve contrária ao direito: Em 1925, Sergei M. Einsenstein assinava Stachka (A greve), um filme ao serviço da Revoluçom soviética que começava com esta citaçom de Lênin: «A organizaçom é a força da classe operária. Sem a organizaçom das massas, o proletariado é nulo. A organizaçom é a unidade de acçom e de intervençom prática». O filme mostra-nos umha greve contrária à Lei, que aparece como um simples instrumento ao serviço do capitalismo. O dever dos trabalhadores é trabalharem e, ao se declararem em greve, incumprem o objeto básico do seu contrato e ficam expostos ao despedimento e ao cárcere. Como contrapartida, a capacidade de pressom da greve é maior, porque nom está limitada por procedimentos regulados (proibiçons, serviços mínimos, etc.) como os que entre nós desprega o Real decreto-lei 17/1977, do 4 de março, sobre relaçons de trabalho (DLRT). Mesmo assim, umha greve centrada em objetivos de caráter político-revolucionário, como a narrada no filme de Einsenstein, também seria hoje umha greve ilegal consoante ao nosso ordenamento jurídico (art. 1.1.a) DLRT).
